Aqşin Əlizadə ‐ xatirələr işığında
Aqşin Əlizadə ‐ xatirələr işığında. Esse, oçerk, portret cizgiləri və foto sənədlər toplusu. Bakı, Elm və Təhsil, 2024, 360 s.
Tərtibçi ‐ redaktorlar:
Lalə Hüseynova,
Azərbaycan Milli Konservatoriyasının elmi işlər
üzrə prorektoru, Əməkdar incəsənət xadimi,
sənətşünaslıq üzrə fəlsəfə doktoru, professor
Fazilə Nəbiyeva,
Azərbaycan Milli Konservatoriyası elmi
tədqiqat laboratoriyasının baş elmi işçisi,
sənətşünaslıq üzrə fəlsəfə doktoru
Təqdim edilən kitabda bəstəkar Aqşin Əlizadəyə həsr edilmiş xatirələr toplanmışdır. Bu xatirələrin fonunda böyük sənətkarın həyat və yaradıcılığının müxtəlif dövrlərinə aid yaddaqalan anları çoxsaylı foto materiallarla təmsil edilib. Kitabın müxtəlif başlıqlarla təqdim olunan bölmələrindəki məqalələrdə o, xalq musiqisinin dərin bilicisi, böyük bəstəkar və həqiqi vətənpərvər insan, görkəmli ictimai xadim, gözəl pedaqoq kimi səciyyələndirilmişdir. Topluda bəstəkarın yaradıcılıq təmasında olduğu sənət dostlarının və tələbələrinin Azərbaycan və xarici dillərdə yazılmış məqalələri əksini tapmışdır. Aqşin Əlizadə haqqında ilk dəfə müasirlərinin xatirələrini önə çəkmiş bu kitab geniş musiqi ictimaiyyətinə və musiqisevər oxuculara ünvanlanır.
Aqşin Əlizadə ‐ xatirələr işığında. (PDF)
